Amo 1 | ZomZIV | STEP | Tekoa a tuucingte lakah khat Amos kammal - Judah kumpi-in Uzziah a om hun, Jehoash tapa Jeroboam, Israel kumpi a hih hun, zinlin ma kum nih hun lai-a Israel thu tawh kisai a muhna ahi hi.

Amos 1

1 Tekoa a tuucingte lakah khat Amos kammal - Judah kumpi-in Uzziah a om hun, Jehoash ^{▼▼1.1 Hebrew in Joash, Jehoash tawh kilamdang.} tapa Jeroboam, Israel kumpi a hih hun, zinlin ma kum nih hun lai-a Israel thu tawh kisai a muhna ahi hi. ^b

2 Amah in:

“Zion panin TOPA hawk a,
Jerusalem panin kekte a kia hi; ^c
tuucingte lonona mun teng keucip ^{▼▼1.2 Ahikeh tuucingte thumna} a,
Carmel dawn teng keugaw ta hi,” a ci hi. ^e

Israel Gamvengte Tungah Thukhenna

3 Hih in TOPA gen ahi hi:

“Damascus-te mawhna thumte thamlo lite hangin
ka thangpaihna ka ip kik kei ding hi. ^f
Bang hang hiam cih leh sik-ha a nei angawina-in
Gilead gawi uh hi.
4 Hazael innkuante tungah mei ka sawl dinga ^g
tua in Ben-Hadad mun muanhuai a hultum ding hi.
5 Damascus kongpi ka sukham ding hi; ^h
Aven ^{▼▼1.5 Aven pen gitlohna cihna} Kuam a ^{▼▼1.5 Ahikeh a tengte} kumpipa le
Beth-Eden gam-ukte sik ciangkhut ka susia ding hi.
Aram mite ahileh Kir ah sal a suak ding uh hi,” ^k

TOPA in a ci hi.

6 “Hih in TOPA gen ahi hi:

“Gaza-te mawhna thumte thamlo lite hangin ^l
ka thangpaihna ka dok kik kei ding hi.
Bang hang hiam cih leh tuanu in
mipi bup manin amaute Edom-te a zuak hi.
7 Gaza kulhte mei-in ka hal dinga,
a mun muanhuaite uh a hultum ding hi.
8 Ashdod kumpipa ^{▼▼1.8 Ahikeh a tengte} le Ashkelon a ukna
sik ciangkhut tawipa ka susia ding hi. ⁿ
Philistia-te a sih khit siang dong Ekron tungah ^o
ka hehna khut ka nga ding hi,” ^p

Thupipen TOPA in cikhia hi.

9 Hih in TOPA gen ahi hi:

“Tyre-te mawhna thumte thamlo lite hangin
ka thangpaihna ka dok kik kei ding hi.
Bang hang hiam cih leh amah in Edom ah mipi bup zuakin
sanggama kimat dinga a thuciamna uh a zui kei hi. ^q
10 Tyre kulhte ah mei ka sawl dinga
a mun muanhuaite a hultum ding hi. ^r

11 Hih in TOPA gen ahi hi:

“Edom-te mawhna thumte thamlo lite hangin
ka thangpaihna ka dok kik kei ding hi.
Bang hang hiam cih leh amah in a sanggampa namsau tawh delh a,
a khuatuahhuai ^{▼▼1.11 Ahikeh namsau / le a pawlte ka susia dinga} mite a husamsak hi;
bang hang hiam cih leh ama hehna dam thei lo a,
ama hehna mei a mit kei hi. ^t
12 Teman ah mei ka sawl dinga,
Bozrah mun muanhuaite a hultum ding hi,” a ci hi.

13 Hih in TOPA gen ahi hi:

“Ammon-te mawhna thumte thamlo lite hangin
ka thangpaihna ka dok kik kei ding hi.
Bang hang hiam cih leh a gamgite uh a khansak theih nadingun
Gilead numei gaaite a kuikham uh hi. ^u
14 Rabbah kulhte mei-in ka hal dinga, ^v
gal kido ni-a gal huging le ^w
huihpi nun ni-a huihpi hual ging lakah
tuanu mun muanhuaite a hultum ding hi.
15 Tuanu’ kumpipa ^{▼▼1.15 Ahikeh / Molech; Hebrew in malcam} a uliante tawh
salin kikaikhawm ding hi,”

TOPA in a ci hi.